Instituti ynë

Rreth ICBT

ICBT, prej më shumë se 5 vitesh tashmë, operon në fushën e shëndetit mendor, përmes një stafi të dedikuar multidisiplinar. Qasja “CBT”, e testuar dhe e aprovuar prej mëse 60 vitesh, është baza e shërbimeve terapeutike dhe psikoterapeutike, që përfshijnë trajtimin e çrregullimeve të ndryshme psikologjike, për fëmijë, adoleshentë dhe të rritur, dhe udhëheq në përmirësim të dukshëm të klientëve.

Vizioni

Vizioni ynë në ICBT është fuqizimi i individëve për të arritur një mirëqenie psikologjike dhe emocionale, përmes ndërhyrjeve të personalizuara, të bazuara në prova empirike duke nxitur resiliencë dhe ndryshime pozitive në jetën e tyre.

Nëpërmjet kërkimit rigoroz, praktikës inovative dhe trajnimit gjithëpërfshirës, ne jemi të fokusuar për të formësuar të ardhmen e trajtimit të shëndetit mendor dhe duke fuqizuar individët për të bërë jetë të përmbushur.

Misioni

Misioni ynë është i dyfishtë. Së pari, ne synojmë të ofrojmë shërbim psikologjik cilësor me qëllim përmirësimin e cilësisë së jetës të individëve që përjetojnë shqetësime emocionale dhe të shëndetit mendor. Së dyti, ne përpiqemi të kontribuojmë në zhvillimin e mëtejshëm të proceseve të lidhura me shëndetin mendor nëpërmjet aktiviteteve didaktike, formuese, ndërgjegjësuese, kërkimit shkencor dhe jo vetëm.